بسطيلة بالدجاج والفرماج سندويش

السلام عليكم

اليوم حبيت نقل ليكم هاد البسطيلة بالدجاج و الفرماج سندويش عجباتني وقلت نشاركها معاكم نخليكم مع المقادير والطريقة\

نصف كاس زيت العود او اكثر شوية
زلافة صغيرة بصلة مشلظة
2 فصوص ثوم محكوكة
حك صغير شومبنيون
نصف معلقة صغيرة عطرية الدجاج
ابزار
ملح
الهريسة او الحرور السودانية
عصير حامضة صغيرة
2 باكيات متوسطين الشعرية الصينية
المعدنوس
باكية ديال الفرماج ساندويتش ديال 12 وحدة
بسطيلة بالدجاج والفرماج سندويش Ljpxppsotvcv18dlzkel

بسطيلة بالدجاج والفرماج سندويش Ljpxppsotvcv18dlzkel

بسطيلة بالدجاج والفرماج سندويش Tvhqhrz03fwb3s1on91

نطيبو الدجاجة فكوكوط نسدو عليها ومن بعد نصفيوها ونخليوها تبرد ونفرتتوها و الماء فاش طيبناها ما نرميوهش نديرو فيه الشعرية الصينية ومن بعد نصفيوها حتى هي و داكشي لي صفينا صافي نرميوه
نعمل الزيت فالمقلة ونزيدو البصلة حتى تطيب شوية ونزيدو الشومبنيون و الملح ابزار هريسة عطرية الشوارما ومن بعد ما يطيبو نزيد الدجاج لي فرتتنا و عصير الحامض و الشعرية الصينية ونطفيو البوطة ومن بعد عاد نزيدو المعدنوس مقطع و نخليو الحشوة تبرد و من بعد نعمرو البسطيلة ديالنا عادي و حنا كندهنو الورقة ديالنا بالزبدة والبيض و قبل ما نسدوها نستفو فوق الحشوة الفرماج ديال الساندويتش عاد نجمعو البسطيلة و نشدو شوية الورقة شي 2 او 3 ندهنوهم مزياان بالزبدة ونلويهم ونقطعوهم رقاق و نزوقو بهم من الفوق ديال البسطيلة وناخدو شوية الفرماج ساندويتش حتى هو نقطعوه رقيق و نزوقو به و ندخلوها للفران تطيب على نار مهييلة
الفرماج لي زوقت به انا كنديرومن الاول قبل ما ندخلها للفران و لكن تقدرو تخليوه حتى الاخير حتى تطيب عاد تحطوه و تخليوه غير شوية وتطفيو الفران باش ما يجيش كحل
الصور كتوضح كلشي
بسطيلة بالدجاج والفرماج سندويش U8z6amncx7meffc6kpi

بسطيلة بالدجاج والفرماج سندويش U8z6amncx7meffc6kpi

بسطيلة بالدجاج والفرماج سندويش Pgqzn9gn401g8wjpojst

بسطيلة بالدجاج والفرماج سندويش 8017tu7sfdv98kuj5cg

بسطيلة بالدجاج والفرماج سندويش Zx5y7vosucqr6vf5twi

بسطيلة بالدجاج والفرماج سندويش Kijdlql1m3voplrkoe8y

عدد المساهمات : 16 تاريخ التسجيل : 15/03/2016

اخلى بسطيلة

» بسطيلة الحوت للضيافة الكبيرة بطريقتي