منتدى نساء مغربيات
مرحبا بزائرنا تفضل بالتسجيل
منتدى نساء مغربيات
مرحبا بزائرنا تفضل بالتسجيل
منتدى نساء مغربيات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى يخص كل ما يتعلق بالمراة المغربية من الحياة الدينية - - عمل -طفل-اسرة-تمدرس-جمال-ازياء-صحة-ثقافة-الكمبيوتر و الانترنيت
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول    

 

 سيروم طبيعي للشعر المتضرر

اذهب الى الأسفل 
2 مشترك
كاتب الموضوعرسالة
تائبة الى الله
المديرة العامة
المديرة العامة
تائبة الى الله


عدد المساهمات : 3652
تاريخ التسجيل : 07/04/2014

سيروم طبيعي للشعر المتضرر Empty
مُساهمةموضوع: سيروم طبيعي للشعر المتضرر   سيروم طبيعي للشعر المتضرر I_icon_minitime08.04.14 11:28

طبعا كلنا تنعرفوا المشكلة الي بزاف تيعانيوا منها والي هي تساقط الشعر والقشرة
والى دخلنا في اسباب هاذ التساقط ما غاديش نساليوا ولكن الي خاصنا نعرفوه
هو ان الشعر ملي تيبدى يتساقط راه مريض والزغبة ما بقاتش تستحمل
والاسباب عديدة وابسطها عدم الاهتمام بتغذية فروة الراس والزغبة والى مشطناه
نمشطوه بعنف والسيشوار والترطيبة والصبايغ والديميلورات والمشيط وهو فازك
والغسيل بالماء الحار او الساخن بزاف والمساكات الكيماوية والشامبوانات
الي لا تخضع لاي صفة من الجودة ايوا بالسيف الشعر مسكين ما يفقد اللون
والحياة ويولي طالب الشرع وتقول الزغبة اللهم الموت ولا هاذ الحالة كاينا ولالا
وكما تنعرفوا ان نصف الجمال هو الشعر الصحي ماشي تخرجي به مكشوف
كمسلمة عليك بالحجاب والستر، وهكذا شعرك يبقى محفوظ
لراسك ولزوجك واهلك ان شاء الله


واصلا ما تنشوفوش بالعين المجردة ما تعانيه الزغبة من اضرار
ايوا باش نتفاداوا كل هاذ الاعراض ونعالجوا الشعر قبل ما تبقى
غير زغبة وحدة وذيك الساعة ما ينفع معاك لا دوا ولا غيره
طولت عليك ياك ولكن باش تعرفي ان الوقاية افضل من
العلاج خاصك تعتني بشعرك بحال ملي
تتعتني بوجهك واكلك اليومي.

اليوم جبت لك السيروم الي غادي تصاوبيه بيديك
ومن الطبيعة طبعا ندخلوا في صلب الموضوع هاذ
حمام الزيت مغذي للشعر الجاف جدا والمتقصف
الي تنقولوا مكرد ومجعد وما عندو حتى لون
يعني تيبان لونه موسخ وما عندو لا بريق
ولا لمعان بمعني انه يغذي ويعالج ويرطب
الشعر بصفة عامة ويحارب التساقط
ان شاء الله .

مواد الي نحتاجوا هي كالتالي :

2 دراهم خزامة مطحونة
2 دراهم تارة مطحونة
2 دراهم زريعة الكتان مطحونة
2 دراهم بابونج مطحون
2 دراهم جنجلان مطحون
2 دراهم حبة سوداء مطحونة
معلقة الزعتر مطحون
طريف من الصبار مطحون
نشريوا المواد عادية ونطحنوها

2 دراس الثومة محكوكين في الجهة الرقيقة
100 غ كوك
لوزة الافوكا
كاس زيت نوارة الشمس
كاس زيت الزيتون
كاس مخلط بين زيت الخروع وزيت اللوز
نطحنوا الكوك ولوزة لافوكا مع كاس زيت نوارة الشمس
وتخليه لمدة 3 ايام في مكان مظلم ومن بعد تاخذي فقط
الزيت الي يكون طالع صافي الفوق والتخت غادي تحتافظي به

وزيت الزيتون نعملوا فيه الثومة محكوكة ونسخنوه
ماشي حتى يتحرق غير يطلق شوية

زيت الخروع نسخنوه نزيدوا لو زيت اللوز وزيت الزيتون
وزيت الكوك ولوزة لافوكا و نعملوا الاعشاب كلها الي
طحناها ونخضوها مزيااااااان في قرعة الزاج
وها السيروم ديالك قرب يوجد تقفلي عليه
وتغلفي القرعة بورق الالمنيوم وتخليها
في البلاكار بعيد على الضو لمدة 7 ايام

وهاذ السيروم تبداي تستعمليه
ملي يكون شعرك مغسول وناشف تاخذي قطيرات

منو ماشي تزيتيه لا عادي بحال شي دهنة
وصافي تبداي من الاطراف الى الجذور
وانت تدلكين بحركات خفيفة على جلدة الراس
باش تحرك الدورة الدموية وتغذى المسام
واكبر خطا انك دهني وتمشطي شعرك وهو فازك
خليه حتى ينشف بطريقة عادية ودوري الباتشا
بلا فيليلات وشوفي الشعورات كيف غادي تبان لك
شعر جميل وجذاب


وملي تبغي تغسلي شعرك خذي التخت الي بقا لك
من الاعشاب وزيدي عليه شوية السيروم الواجد
هو الي تشقي به شعرك بقطنة وانت تتحكي بشوية
فروة الراس مرة في الاسبوع تخليه 3 ساعات
وتعملي البوني ديال البلاستيك ومن بعد
تغسلي وتبعيه لمدة شهر وردي عليا الخبار
وتشوفي الشعورات المسبسبة والسوالف الرائعة
وقوية وصحيحة بلا تساقط
وبالصحة والراحة


نصيحة كل 6 اشهر نقطعوا من شعرنا
الاطراف التالفة الي تنقولوا لهم les points
قياس 3 او 4 اصابع باش يطوال ويزيد النمو ديالو
وعمرك ما تشقي شعرك وتنعسي به اكبر خطا
لانه يتساقط اكثر ودائما في اخر الغسيل
كبي ماء مائل الى البرودة



منقول للامانة
الرجوع الى أعلى الصفحة اذهب الى الأسفل
https://femaroc.yoo7.com
ملكة الورود




عدد المساهمات : 10
تاريخ التسجيل : 08/04/2014

سيروم طبيعي للشعر المتضرر Empty
مُساهمةموضوع: رد: سيروم طبيعي للشعر المتضرر   سيروم طبيعي للشعر المتضرر I_icon_minitime08.04.14 23:45

وصفة رائعة غادي نجربها ان شاء الله الله يجعلها في ميزان حسناتك
الرجوع الى أعلى الصفحة اذهب الى الأسفل
تائبة الى الله
المديرة العامة
المديرة العامة
تائبة الى الله


عدد المساهمات : 3652
تاريخ التسجيل : 07/04/2014

سيروم طبيعي للشعر المتضرر Empty
مُساهمةموضوع: رد: سيروم طبيعي للشعر المتضرر   سيروم طبيعي للشعر المتضرر I_icon_minitime09.04.14 8:06

جربيها وما تخافي والو باذن المولى
الرجوع الى أعلى الصفحة اذهب الى الأسفل
https://femaroc.yoo7.com
 
سيروم طبيعي للشعر المتضرر
الرجوع الى أعلى الصفحة 
صفحة 1 من اصل 1
 مواضيع مماثلة
-
» صنع جبن طبيعي
» صباغة طبيعية للشعر للبني الغامق
» طريقة تحضير خل التفاح طبيعي 100 ب 100

صلاحيات هذا المنتدى:لاتستطيع الرد على المواضيع في هذا المنتدى
منتدى نساء مغربيات :: منتدى الجمال المغربي :: منتدى الشعر-
انتقل الى: