هااد الكيكة كتجي بحال حلويات كلاصي ديال الباتسري المهم بلا ما نطول عليكم ندوزوا المقادير
المقادير ديال الطبقة الاولى
2 بيضات - 6 معالق سنيدة- 6 م ك ليمون-م ك زيت - فاني-2 خمارات-2 م ك الكاكاو- 2 م ك نيدو - 6 م ك الدقيق - قشرة ليمونة محكوكة
كنطربوا الكل في مولينكس و نصبوا الخليط في القالب وندخلوها الفرن
كيف يطيب الكيك نخلوه في القالب وندوزوا نحضروا الطبقة الثانية كناخذوا 500 غرام ديال دانون و كاس كبير ديال نيدو ونطحنوهم في مولينكس و نصبوه فوق الكيك و ندخلوها للفرن يكون سخون مسبقا والعافية من الفوق مهيلة باش يعقد الخليط شوية و نخرجوها
الطبقة الثالثة ناخذ 1/2 لتر الحليب + فلان كاراميل والسنيدة حسب الذوق ونوجدوه في كاسرونة حتى يغلى ونصبوه فوق الكيك ونخلوه يبرد الطبقة الرابعة
ثم ناخذ رابعة الليمون معصر+2 فلان فاني + سكر و نغليوهم ونصبوه فوق الكيك وندخلوها للثلاجة مدة 5 ساعات ونقدموها بالصحة والراحة